Gulai Lomak Cili APi

Nak dimulo'an cerito, den sobonar eh bukan urang nogori semilan pon. Den mula-mulo duduk sini taun duo ribu ompek. Maso tu den kojo kilang yo. Duduk umah flet, menyewo sorang-sorang kek tingkek ompek, ponek jangan dikato, ari-ari turun naik tingkek ompek dongan safety shoe, nasib den idup laei sampai ari ni. Hee.. koliling sumo umah Bangla ngan Nepal yo. Jadi bilo dah lamo duduk kek nogori ni den macam dah beasimilasi dongan adat dan budayo kek sini. Walaupun memulo koliling dongan Bangla ngan Nepal.

Agak eh dah takdir, jodoh an pulak dongan urang Soromban, keturunan Minang. Tibo-tibo pulak akhir-akhir ni den tengok asal lagu loghat nogori yo jadi lagu hit. Kok den dongar lagu-lagu ni sumo memang takdo masaelah den nak paham cumo lagu ayam den lapeh yo den tak paham-paham sampai skang, kono jugak mak mentuo den translate an. Almaklumlah, bahaso Minang..

Yang sobona eh, dongan mukadimah panjang ni den nak kobar an satu bondo yo, den suko rangkap ni dalam lagu yang Waghih nyanyi tu. Haa, ekau dongar den nyanyi ni yo:

"Lombu ado tali takdo pon tak guno
Tunggu hujan dah ghobeh
Baru payung nk dibuko?
Kojo tak kuek tapi berangan nak hidup sonang
Baik poie mampuih dari susah'an semuo urang"

Ayat ni podeh tapi lomak yo raso eh. Macam makan gulai lomak cili padi yo raso eh.

Tapi, walau camano pun, lagu watimang landok totap di ati den.

Wei, gi k lauk nuh!! Mende mung..